Қозоғистондаги конда газ портлади
Ҳодиса оқибатида етти нафар ишчи ҳалок бўлди.
Ҳодиса мамлакатнинг Улйтау вилоятидаги Жомарт конида содир бўлди, натижада етти нафар кончи вайроналар остида қолиб, ҳалок бўлди.
“Казахмис” компанияси ҳодисага табиий газ портлаши сабаб бўлганини маълум қилди ва бундай ҳолат уларнинг конлари учун “ноодатий” эканини қайд этди.
Ҳалок бўлган кончиларнинг оилаларига ўртача йиллик иш ҳақининг ўн баравари миқдорида товон пули ва дафн маросимини ташкил қилиш учун 2 миллион тенге (4 минг АҚШ доллари) тўлаб берилади.
Қозоғистон президенти Қосим-Жўмарт Тўқаев ҳалок бўлганларнинг яқинларига ҳамдардлик билдирди.
