Хитойда янги коронавирус аниқланди
У инсон ҳужайраларини зарарлай олади.
Хитойлик вирусологлар кўршапалакларнинг янги коронавирусини аниқлашди, у ҳам COVID-19 сингари одамларга юқиши мумкин. Бу ҳақда South China Morning Post хабар берди.
Ушбу вирус биринчи марта Гонконгда япон кўршапалагида аниқланган HKU5 коронавирусининг янги тармоғи ҳисобланади.
Хитой фанлар академиясининг Гуанчжоудаги бўлими, Ухан университети ва Ухан вирусология институти олимлари Гуанчжоудаги лабораторияда вирусни чуқур ўрганишди. Таъкидланишича, кўршапалаклар намуналаридан олинган янги вирус инсон ҳужайраларини зарарлай олади. Ҳозирча хавотирга ўрин йўқ, бироқ янада чуқурроқ тадқиқотлар ўтказилиши лозим, дейилмоқда.
