Истанбулда кучли қор ёғиши ҳаёт тарзини ўзгартирди
Бунга Сибир циклони сабаб бўлаётгани айтилмоқда.
Истанбулда давом этаётган кучли қор ёғиши шаҳарда қатор муаммоларни келтириб чиқарди. Қалин қор қатламининг ҳосил бўлиши туфайли ички авиақатновлар бекор қилинди, шунингдек, шаҳардаги барча мактабларда дарслар вақтинча тўхтатилди.
Маҳаллий расмийларнинг қарорига кўра, хавфсизлик нуқтайи назаридан мототцикл ва скутерларда ишловчи курьерларга йўлларга чиқиш тақиқланди. Кучли ёғингарчилик ҳайдовчилар учун ҳам катта қийинчилик туғдирмоқда.
Бундай ноқулай об-ҳаво шароитида аҳолига қулайлик яратиш мақсадида метро, айрим автобус йўналишлари ва электричкалар иш вақти икки соатга узайтирилди.
Қайд этилишича, Истанбулда қор ёғиши тўрт кундан бери давом этмоқда.
