Бразилиянинг Буритикупу шаҳри чўкиб боряпти
Шу сабабли шаҳарда фавқулодда ҳолат эълон қилинди.
Бразилиянинг Буритикупу шаҳрида ер остига чўкиш жараёни тезлашгани сабабли фавқулодда ҳолат эълон қилинди. Бу ҳақида Reuters агентлиги хабар берди.
Шаҳарда 55 мингга яқин аҳоли истиқомат қилади, ер остида пайдо бўлган чуқурликлар эса 1,200 кишига хавф солмоқда. Маҳаллий расмийларнинг таъкидлашича, сўнгги ойлар ичида чуқурликларнинг ҳажми сезиларли даражада ошиб, турар-жой биноларига яқинлашган.
Узоқ йиллардан бери шаҳар аҳолиси тупроқ чўкишини кузатиб келмоқда. Мутахассисларнинг фикрича, кучли ёмғирлар қумли тупроқларни ювиб кетмоқда, бу эса қурилиш ишлари ва ўрмонларнинг кесилиши билан янада кучаймоқда.
