Бир неча ҳафта ичида Украинада сулҳга эришиш мумкин
Эммануел Макрон Украинадаги вазият ҳақида гапирди.
Франция президенти бу ҳақда Fox News телеканалига берган интервюсида айтиб ўтди.
“Менимча, сулҳ келишувига эриш мумкин. Бу яқин ҳафталарда рўй бериши эҳтимоли бор. Вақтинчалик сулҳ ёки узоқ муддатли ўт очишни тўхтатиш бўйича келишув ортидан барқарор тинчлик бўйича музокаралар бошланиши керак”, — дея фикр билдирди Франция президенти.
Макрон тинчлик келишувининг имзоланиши якуний натижа бўлиши кераклигини таъкидлаб, унда ҳудудий даъволар ва Украинани қайта тиклаш масалалари муҳокама қилиниши лозимлигини айтди.
“Тинчлик шартномасида Россия келишувни бузган тақдирда, АҚШнинг бирдамлик кўрсатишга қай даражада тайёрлиги аниқ белгиланиши шарт. Бу фақат Европанинг хавфсизлиги масаласи эмас, балки дунё миқёсида Қўшма Штатларга бўлган ишонч масаласи ҳамдир”, — дея қўшимча қилди Макрон.
