Янги вирус вакцина ишлаб чиқарувчиларни шошириб қўйди
Ҳозирда фармацевтика компаниялари акцияларига талаб ошган.
Аввалроқ вирусологлар томонидан янги коронавирус аниқлангани ҳақида хабар тарқалганди. Бу АҚШ, Корея ва Гонконгдаги вакцина ишлаб чиқарувчилар ва тиббиёт компаниялари акцияларининг ўсишига сабаб бўлди.
24 февраль, душанба куни Осиё диагностика тўплами ва вакцина ишлаб чиқарувчиларининг акциялари глобал трендни кузатди. Тадқиқотчилар янги вирус COVID-19 каби ҳужайраларга кириб боришини аниқлаганларидан сўнг, фармацевтика компаниялари акцияларига талаб ошди.
Жанубий Кореяда COVID-19 ва гриппга қарши тест тўпламларини ишлаб чиқарувчи Sugentech компаниясининг акциялари душанба куни Корея фонд биржасида (КРХ) энг яхши даромад кўрсатувчилар қаторига кирди.
Хитой вирусологларининг тадқиқоти “Сеll” журналида чоп этилган. Тадқиқот натижаларига кўра, янги вирус ҳайвонлардан одамга юқиши мумкин, лекин у ҳозирча одамларда аниқланмаган.
“Reuters” агентлиги ушбу вирус янги пандемияга сабаб бўлиши мумкинлиги ҳақидаги хавотирлар борлигини таъкидлади. Бироқ, Миннесота университетининг юқумли касалликлар бўйича мутахассиси доктор Майкл Остерхолм бу хавотирларни ортиқча деб ҳисоблайди. Унинг фикрича, аҳолида 2019 йилга нисбатан шу каби вирусларга қарши иммунитет шаклланган, бу эса пандемия хавфини камайтириши мумкин.
