Жанубий Корея президенти халқдан кечирим сўради
У мамлакатда ҳарбий ҳолат жорий қилганидан афсусда.
“Халқдан кечирим сўрайман ва миннатдорлик билдираман. Ҳарбий ҳолат мамлакатимиз ва халқимизни ўйлаб жорий этилганди, бироқ бу жараён одамларимиз учун тушунмовчиликлар ва ноқулайликлар туғдирганидан афсусдаман, бунинг учун чин кўнгилдан кечирим сўрайман", — деди Юн Сок Ёл Конституцион судда.
Президент ўз баёнотида ҳарбий ҳолат эълон қилгани ортидан қўйилган исён борасидаги айбловларни бир неча марта инкор этди. Юн сиёсатчиларни ҳибсга олиш ёки Миллий ассамблея биносидан депутатларни чиқариб юборишга буйруқ бергани ҳақидаги даъволарни “бемаънилик” деб атади.
Юн Сок Ёл шу йилнинг 15 январида исён иши бўйича тергов органи томонидан ҳибсга олинган эди. Юн Сок Ёлнинг ўзи эса прокуратура сўровига кўнгилли равишда келгани ва айбсиз эканлигини таъкидламоқда.
