Исроил Рамазон ойида Ал-Ақсо масжидига киришни чекламоқда
Исроил ҳукумати буни хавфсизлик чораси деб таъкидламоқда.
Рамазон ойининг кириб келиши фонида Исроил ҳукумати фаластинликларнинг Ал-Ақсо масжидига киришини чекловчи янги қоидаларни эълон қилди. Бу қарор Шарқий Қуддусда давом этаётган кескинлик шароитида қабул қилинди.
Янги тартибга мувофиқ, Ғарбий Соҳил ҳудудидан атиги 10 минг нафар фаластинликка масжидга кириш рухсат этилади.
Фақат 55 ёшдан ошган эркаклар ва 50 ёшдан катта аёллар Ал-Ақсо масжидига кира олади. Ал-Ақсо масжиди атрофида 3 мингга яқин Исроил полицияси жойлаштирилади.
Ғазо секторидан озод этилган баъзи фаластинликларга масжидга кириш умуман тақиқланади.
Бу чекловлар фонида Фаластин тарафдорлари бундай чораларни диний эркинликни бузувчи ва сиёсий тазйиқ воситаси сифатида баҳоламоқда.
