АҚШда учаётган самолёт двигатели ёниб кетди
Ҳодиса оқибатида ҳеч ким жабрланмаган.
АҚШнинг Нюарк аэропортидан учиб кетаётган Боэинг 767-3С2/Ф юк самолёти қуш билан тўқнашгани сабабли двигатели ёниб кетди. ФедEх компаниясига қарашли ушбу самолёт 1 март куни эрталаб Индианаполисга йўл олган эди.
Самолёт кўтарилганидан кўп ўтмай, унинг ўнг двигателида ёнғин пайдо бўлди. Бу ҳақда Нью-Йорк ва Ню-Жерси аэропорти маъмурияти ҳамда ФедEх вакиллари маълум қилди. Экипаж фавқулодда ҳолат эълон қилди ва фақат 9 дақиқа ичида самолёт яна Нюарк аэропортига қайтиб қўнган.
Самолёт ҳодисадан сўнг 09:30 да яна парвозини давом эттирди. Шу сабабли Нюарк аэропорти вақтинча ёпилди.
Охирги пайтларда АҚШда самолётлар билан боғлиқ фавқулодда ҳодисалар кўпайган. 25 февраль куни Соутҳвест авиакомпаниясининг самолёти Чикагодаги Мидуэй аэропортида хусусий самолёт билан деярли тўқнашиб кетишига оз қолган эди. Январь ойида эса Америсан Эагле самолёти Бласк Ҳавк вертолёти билан тўқнашиб, Потомак дарёсига қулаб барча йўловчилар ҳалок бўлган эди.
