Илон Маск 14 марта ота бўлди
Neuralink раҳбари Шивон Зилис Илон Маскдан тўртинчи фарзандини дунёга келтирди.
Машҳур тадбиркор, Тесла ва СпасеХ асосчиси Илон Маск яна ота бўлди. Унинг 14-фарзандини Neuralink компаниясининг раҳбари Шивон Зилис дунёга келтирилди. Бу ҳақда Зилис ўзининг Х (собиқ Твиттер) саҳифасида эълон қилган.
“Биз бу ҳақда Илон билан маслаҳатлашдик ва гўзал қизимиз Аркадиянинг туғилган куни муносабати билан яна бир ажойиб фарзандимиз ҳақида очиқ гапиришга қарор қилдик. Унинг исми Сельдон Ликург ва у ниҳоятда меҳрибон бола”, – деб ёзди Зилис.
Шивон Зилиснинг сўзларига кўра, бу унинг тўртинчи фарзанди, бироқ боланинг ёши ва бошқа тафсилотларини ошкор қилишни истамаган.
Шивон Зилис ва Илон Маскнинг биринчи фарзандлари – эгизаклар Азур ва Страйдер 2021 йилда сунъий уруғлантириш (ЭКУ) орқали дунёга келган. Ўша йилнинг ўзида Маскнинг ўша пайтдаги севгилиси, қўшиқчи Гримес (ҳақиқий исми – Клер Элис Буше) ҳам фарзанд кўрган эди. Кейинчалик Зилис ва Маскнинг Аркадя исмли қизи туғилди, бироқ унинг жинси узоқ вақт сир тутилган.
Илон Маскнинг жами 14 нафар фарзанди бор. Уларнинг бири билан Маск алоқани узган, чунки у жинсини ўзгартирган.
Тадбиркорнинг илк рафиқаси Жастин Уилсон бўлиб, уларнинг турмуши 2000-2008 йиллар мобайнида бўлган. Ушбу никоҳ давомида жуфтлик олтита фарзанд кўрган. Афсуски, уларнинг тўнғич фарзанди Невада атиги 10 ҳафталиклигида ҳаётдан кўз юмган. Кейинчалик Маск ва Уилсоннинг эгизак ва уч эгизак фарзандлари туғилган.
Бундан ташқари, Маскнинг Гримес билан уч нафар фарзанди бор. Уларнинг муносабатлари 2021 йилда якунланган.
Илон Маск ва Шивон Зилис илк бор 2025 йил 22 январь куни омма олдида бирга кўриниш берган. Бироқ улар расман турмуш қуришмаган.
