Норвегия АҚШ ҳарбийларига энди ёнилғи етказиб бермайди
Бунга Трамп ва Зеленский ўртасидаги келишмовчилик сабаб бўлди.
Норвегиянинг “Haltbakk Bunkers” нефть компанияси АҚШ ҳарбийларига ёнилғи етказиб беришни тўхтатишга қарор қилди.
Компаниянинг ушбу қарори АҚШ президенти Доналд Трамп, АҚШ вице-президенти Ж.Д. Венс ва Украина президенти Владимир Зеленский ўртасидаги можародан кейин қабул қилинган.
“Haltbakk Bunkers” Facebook саҳифасида АҚШ қуролли кучлари билан ҳамкорликни тўхтатаётгани ҳақида баёнот берди: “Биз АҚШнинг амалдаги президенти ва унинг вице-президенти томонидан жонли эфирда амалга оширилган энг катта шармандаликка гувоҳ бўлдик”.
Компания АҚШ ҳарбий-денгиз кучлари кемаларига ёнилғи етказиб беришни вақтинча тўхтатганини ҳам қўшимча қилди. Бундан ташқари, компания раҳбари Гуннар Граннинг “Агар Доналд Трамп АҚШ президенти бўлиб қолса, биз уларга ҳатто бир литр ҳам ёнилғи етказиб бермаймиз”, деган.
Бироқ кейинчалик Норвегия мудофаа вазири Торе Сандвик расмий баёнот бериб, Норвегия АҚШ ҳарбийларига хизмат кўрсатишда давом этишини тасдиқлади.
