Зеленскийнинг истеъфо талаби кучаймоқда
АҚШда Зеленскийнинг кетиши Украина келишувининг бир қисми бўлиши керак деган фикр билдирилмоқда
АҚШ Вакиллар палатаси спикери Майк Жонсон Украина президенти Владимир Зеленскийга мурожаат қилиб, агар у ўзини тўғри тутмаса, мамлакатни бошқа бир шахс бошқариши кераклигини таъкидлади.
Bloomberg нашрининг хабар беришича, АҚШ президенти Дональд Трампнинг баъзи ёрдамчилари Зеленскийнинг истеъфосини Россия билан ҳар қандай келишувнинг ажралмас қисми сифатида кўришмоқда.
28 февраль куни Вашингтонда Зеленский ва Трамп ўртасидаги музокаралар кутилган натижага олиб келмади. Суҳбат чоғида Трамп Зеленскийни ҳурматсизликда айблаб, ундан кечирим сўрашни талаб қилди.
Айни пайтда Зеленскийнинг келажаги ва АҚШ-Украина муносабатлари борасида тортишувлар давом этмоқда.
