Илон Маск Зеленскийга Украинани тарк этишни тавсия қилди
Маск Зеленскийга нейтрал давлатга кўчиши кераклигини айтмоқда.
Машҳур миллиардер ва DOGE (АҚШ Ҳукуматининг самарадорликни ошириш департаменти) раҳбари Илон Маск Украина президенти Владимир Зеленскийни ҳокимиятдан воз кечишга ва Украинани тарк этишга чақирди. У бунинг эвазига Зеленскийга нейтрал давлатда амнистия тақдим этиш кераклигини таклиф қилди.
"Қанчалик ёқимсиз бўлмасин, Зеленскийга Украинада тинч демократик ўтиш жараёни эвазига қандайдир амнистия таклиф қилиш керак", — деб ёзди Маск ижтимоий тармоқдаги постлардан бирига изоҳ берар экан.
3 март куни АҚШ президенти Доналд Трамп Зеленскийнинг "Украинадаги можаро тез орада тугайди" деган баёнотини унинг сиёсий фаолиятидаги "энг ёмон баёнот" деб атади.
Шунингдек, 28 февраль куни Трамп ва Зеленский учрашувидан кейин Вашингтон ва Киев ўртасидаги муносабатлар янада таранглашгани маълум қилинди. Мазкур учрашув кенг оммавий баҳсга сабаб бўлди.
