АҚШ Европада ҳарбий машғулот ўтказмайди
Бунда харажатлар кескин қисқартирилмоқда.
Қўшма Штатлар Европада режалаштирилган ҳарбий машғулотларда иштирок этмайди. Бу қарор эса, кейинги йилларда ўтказилинадиган машғулотларга таъсир қилади.
АҚШнинг Европадаги ҳарбий харажатларни қисқартириш режаси, маблағларни Ҳинд-Тинч океани минтақасига йўналтирмоқчи экани билан боғлиқ. Шу сабабдан, Европа АҚШ иштирокисиз фақатгина кичик бўлинмалар билан машғулотлар ўтказади.
Хабарларга кўра, АҚШ президенти Доналд Трамп Европадаги Америка контингентини тахминан 20 фоизга қисқартиришни ва 20 мингга яқин аскарни олиб чиқиб кетишни режалаштирмоқда. Бундан ташқари у Германиядаги 35 минг аскарни олиб, Венгрияга жойлаштиришни кўриб чиқади.
Шунингдек, Трамп маъмурияти НАТО иттифоқчилари вазифаларини қисқартириши мумкин, хусусан, мудофаа учун етарли маблағ ажратмайдиган аъзоларни ҳимоя қилишдан воз кечиш масаласи муҳокама қилинмоқда.
