Украина дрони Чувашияга ҳужум қилди
Нефть базасига 88 та дрон билан ҳужум уюштирилган.
Украина учувчисиз самолёти илк бор Чувашияга ҳужум қилди. Россия Мудофаа вазирлиги, Белгород, Липетск, Ростов ва Воронеж вилоятларида 88 та дронни йўқ қилганини маълум қилди.
Чувашия пойтахти Чебоксарида Буревестник нефть базасига дронлар ҳужум қилган. Чувашия раҳбари Олег Николаев Телеграм орқали воқеа ҳақида маълумот берар экан, жабрланганлар йўқлигини айтиб ўтди. Нефть базаси реконструкция қилинмоқда. Россия Мудофаа вазирлиги, Чувашиядаги дрон зарбаси ҳақида маълумот бермади.
Бу Россия-Украина уруши бошлангандан бери Чувашияга қарши биринчи дрон ҳужуми. Чебоксари Украина билан 970 км масофада жойлашган. Чувашистон ва Татаристон 2024 йилдан буён Украина дронлари томонидан ҳужумларга учрамоқда. Яқинда Уфадаги нефть заводига ҳам ҳужум қилиниши ҳақида хабарлар тарқалган эди.
