Трамп АҚШ таълим тизимини кескин танқид қилди

 

АҚШ президенти Доналд Трамп мамлакат таълим тизимини кескин танқид қилиб, уни дунёдаги энг ёмон тизим деб атади. Фох Невс телеканалига берган интервьюсида у Таълим вазирлигини тугатиш режалари ҳақида гапирди.

 

"Мактабларни давлат назоратига қайтармоқчимиз, чунки бизда энг ёмон таълим департаменти бор. Биз таълимда рўйхатнинг энг охиридамиз, лекин ўқувчига тўғри келадиган харажатлар бўйича биринчи ўриндамиз", — деди Трамп.

 

Унинг таъкидлашича, ҳозирги тизим ортиқча бюрократия ва молиявий самарасизликдан азият чекмоқда. Трамп штатлар таълим тизимини ўзлари бошқариши кераклигини айтиб, мактаблар давлат томонидан назорат қилиниши лозимлигини илгари сурди. Унинг фикрича, бу мактабларнинг сифатини оширишга ёрдам беради.

 

Шунингдек, Трамп Таълим вазирлиги тугатилган тақдирда, унинг айрим функциялари Ғазначилик департаменти, Савдо департаменти ёки Кичик бизнес маъмуриятига ўтказилиши мумкинлигини билдирди. Бу ислоҳотлар орқали бюджет маблағларининг самарадорлигини ошириш ва таълим сифати бўйича АҚШни олдинги ўринларга олиб чиқиш режалаштирилмоқда.

 

Экспертлар эса бу қарашларни турлича баҳоламоқда. Баъзилар таълим тизимининг ислоҳ қилиниши зарурлигини таъкидласа, бошқалар бундай туб ўзгаришлар жиддий муаммоларга олиб келиши мумкинлигини айтмоқда.