АҚШ мигрантлар билан курашиш учун илова яратди
Илова мигрантларга “ўз хоҳиши билан” мамлакатни тарк этиш имкониятини тақдим этди.
АҚШ божхона ва чегараларни ҳимоя қилиш агентлиги мамлакатни ноқонуний тарк этмоқчи бўлган мигрантлар учун “СБП Ҳоме” номли махсус мобил иловани ишга туширди. Бу ҳақда департамент расмий сайти хабар берди.
Илова мигрантларга мамлакатни ихтиёрий равишда тарк этиш имконини бериб, шу орқали уларга нисбатан қаттиқ чоралар кўрилишининг олдини олишга хизмат қилади. Шунингдек, АҚШ Ички хавфсизлик вазири Кристи Ноэмнинг таъкидлашича, ушбу илова келажакда мигрантларнинг қонуний йўл билан АҚШга қайтиши учун ҳам имконият яратади.
Эслатиб ўтамиз, 20 январь куни Доналд Трамп инаугурациядан сўнг дарҳол АҚШ-Мексика чегарасида фавқулодда ҳолат эълон қилиш ҳақидаги фармонни имзолаган эди. Ушбу чора ноқонуний мигрантлар оқимини тўхтатиш мақсадида қабул қилинган.
