Австралияда болалар илондан арқон сифатида фойдаланди
Ҳодиса тасвирланган видео ижтимоий тармоқларда кенг муҳокама қилинди.
Австралиянинг Вурабинда шаҳрида ҳайратланарли воқеа содир бўлди: бир гуруҳ болалар кўчада сакраб ўйнаётганида, уларнинг қўлидаги «арқон» маҳаллий аёлнинг эътиборини тортди. Аёл болаларга яқинлашиб, нима билан ўйнаётганини кўрсатишни сўраганида, улар қўлларидаги нарсани ерга ташлашди. Айни дамда аёл қўрқувга тушди – бу оддий арқон эмас, балки катта илон бўлган.
Болалардан бири уни қора бошли питон деб атади. Бу илон Австралияда кенг тарқалган ва одатда одамлар учун хавфсиз ҳисобланади, аммо мамлакат қонунчилигига кўра, унга зарар етказган шахс 12 600 долларгача жаримага тортилиши мумкин.
