Хитойда дунёдаги энг тезкор поезд яратилмоқда

 

Хитойнинг СРРС Сорпоратион Лимитед компанияси дунёдаги энг тезкор поезд бўлишга даъвогарлик қилаётган СР450 прототипини синовдан ўтказишни бошлади. Поезд илк бор Пекиндаги экспериментал темирйўл ҳалқасида синовдан ўтказилди. Бу ҳақда компаниянинг вице-президенти Ван Фен "Ссиенсе анд Течнологй Даилй" нашрига маълум қилди.

 

Янги СР450 поезди ҳозирда фойдаланилаётган СР400 Фухинг поездларидан сезиларли даражада тезроқ ҳаракатлана олади. СР400 Фухинг максимал 350 км/соат тезликда ҳаракатлана олса, янги модель синовларда 450 км/соат тезликка эришган. Ван Феннинг таъкидлашича, бу лойиҳа юқори тезликда ҳаракатланадиган поездлар соҳасида назарий, технологик ва муҳандислик жиҳатдан катта ютуқ ҳисобланади.

 

Хитой Транспорт вазирлиги маълумотларига кўра, СР450 поезди ҳозирда ҳар томонлама баҳоланмоқда. Поездга 4 мингдан ортиқ сенсор ва кузатув тизимлари ўрнатилган бўлиб, улар реал вақт режимида ҳаракат тизимлари, кузов барқарорлиги, кучланишли ток қабул қилувчилар, бошқарув тизими ва ёнғин хавфсизлиги каби асосий элементларни назорат қилиб боради.

 

Бундан ташқари, ультра узоқ масофали аниқлаш тизими хавфли ҳолатларни олдиндан сезиш ва олдини олиш имкониятини оширади. Муҳандисларнинг фикрига кўра, янги поезд нафақат тезлиги, балки хавфсизлик ва энергия самарадорлиги жиҳатидан ҳам замонавий стандартларга жавоб беради.

 

СР450 поезди синовлардан ўтганидан сўнг Хитойнинг темирйўл тизимида фойдаланишга топширилиши кутилмоқда. Ушбу лойиҳа нафақат мамлакат ички транспортини ривожлантиришга, балки Хитойни юқори тезликдаги темирйўллар бўйича дунё етакчисига айлантиришга хизмат қилади.