Доналд Трамп Tesla компаниясини ҳимоя қилишга ваъда берди

 

АҚШ президенти Доналд Трамп Tesla дилерларига нисбатан содир этилган зўравонлик ҳолатларини террорчилик ҳаракати сифатида баҳолашини маълум қилди. Оқ уйда журналистлар саволларига жавоб берар экан, Трамп бу масалада қатъий позицияда эканини билдирди.

 

"Мен уларни тўхтатаман. Кимки Tesla каби буюк Америка компаниясига зарар етказишга уринса, жавобгарликка тортилади", - деди АҚШ раҳбари.

 

Унинг ёнида Tesla компанияси раҳбари Илон Маск ҳам бўлиб, компания яқин икки йил ичида АҚШда электромобил ишлаб чиқариш ҳажмини икки баравар оширишни режалаштираётганини эълон қилди.

 

Оқ уй ҳудудида Трамп Tesla электромобилларини кўздан кечирди ва қизил Модель Х сотиб олишга қарор қилди. У машина учун чек ёзишини, лекин президент сифатида автомобилни ҳайдай олмаслигини таъкидлади.

 

"Менга машина ҳайдашга рухсат берилмаган. Лекин бу Tesla Оқ уйда бўлади ва ходимлар ундан фойдаланиши мумкин", - деди у.

 

Президентдан бу ҳаракат Tesla савдосига ёрдам берадими, деб сўрашганида, у “Умид қиламанки” деб жавоб берди.

 

Трамп Илон Маскга бўлган муносабат ҳақида ҳам гапириб ўтди: "Менимча, у адолатсизликка учраган. Tesla ва Маск ватанпарварлик йўлида жазоланмаслиги керак", — деди у.

 

Журналистлар Илон Маскдан Tesla бош директори лавозимида қоладими, деб сўрашганида, у: "Ҳа, албатта. Мен компаниянинг бош директориман ва фаолиятимни давом эттираман", - деб жавоб берди.

 

Бундан ташқари, Маск Теслаънинг янги Сйбертруск моделида руль бўлмаслиги мумкинлигини айтиб ўтди, чунки компания учувчисиз бошқарув технологиясига ишонч билдиради.

 

Бунга жавобан Трамп "Мен буни рад этаман" деди.