Жанубий Кореяда зобитлар ишдан четлатилди
Бунга нотўғри ташланган бомбалар сабаб бўлган.
Жанубий Корея Қуролли Кучлари Ҳарбий-ҳаво кучлари иккита юқори лавозимли зобитни – полковник ва подполковникни ишдан бўшатди. Улар қирувчи самолётлар машғулоти чоғида турар-жой ҳудудини янглиш бомбардимон қилгани учун жавобгарликка тортилган.
Хабарларга кўра, бу қарор хизмат мажбуриятларини қўпол бузиш ва етарли назорат ўрнатилмаганлиги сабаб қабул қилинган.
Эслатиб ўтамиз, 6 март куни Жанубий Кореянинг иккита КФ-16 қирувчи самолёти машғулот вақтида Почеон шаҳри, Идонг туманидаги Ногок қишлоғига 8 та бомба ташлаган эди. Бомбалар кўчаларга тушиб, бир нечта бинога, жумладан, черковга зарар етказган.
Расмийларнинг таъкидлашича, ҳодисага учувчининг хатоси сабаб бўлган. У парвозга тайёргарлик чоғида нишон координаталарини нотўғри киритган. Оқибатда 29 киши, жумладан, 14 ҳарбий жароҳат олган, тинч аҳоли орасидаги ярадорлар сони эса янгиланган маълумотларга кўра 19 нафарга етган.
