Вашингтон Украинага ҳарбий ёрдамни қайта тиклашга рози
Бу ҳақида Жидда шаҳрида келишувга эришилган.
Украина ва АҚШ делегациялари Саудия Арабистонининг Жидда шаҳрида бўлиб ўтган музокараларни якунлади. Украина президентининг девони раҳбари Андрей Ермак, Украина АҚШнинг 30 кунлик ўт очишни тўхтатиш режимини қабул қилишга тайёрлигини билдирди.
Ермак АҚШ Россияга тинчликка эришиш учун ўзаро келишув зарурлигини айтганини қўшимча қилди. Шунингдек, у Қўшма Штатлар “разведка маълумотларини алмашишдаги паузани дарҳол бекор қилгани” ва Украинага хавфсизлик ёрдамини тиклаганини маълум қилди. Музокараларда Киев ва Москва ўртасида ҳарбий асирларни алмашиш ва мажбуран кўчирилган украиналик болаларни қайтариш масалалари ҳам муҳокама қилинган.
Ермак, шунингдек, ҳар икки давлат президентлари нодир ер металлари бўйича шартномани тезроқ тузишга келишиб олганини билдирди. Қўшма Штатлар ушбу таклифларни Россия вакиллари билан муҳокама қилиш мажбуриятини олди.
