Россия урушни тўхтатишга тайёр
Путин жанговар ҳаракатларни тугатганида, тинчлик кафолатланиши кераклигини таъкидламоқда.
Россия Президенти Владимир Путин Украинадаги ҳарбий ҳаракатларни тўхтатиш таклифига рози эканлигини билдирди.
Унинг сўзларига кўра, сулҳ фақат узоқ муддатли тинчликни таъминласа ва можаронинг туб сабабларини ҳал қилса, амалга оширилиши мумкин. Путин бу ҳақда Россия-Беларус олий даражадаги музокараларидан сўнг бўлиб ўтган матбуот анжуманида маълум қилди.
Шунингдек, у ўт очишни тўхтатиш масаласи муҳокама қилиниши кераклигини таъкидлаб, сулҳ шароитида Россия қўшинлари фаол ҳаракат қилаётган 2000 км узунликдаги жанговар чизиқда нималар содир бўлиши билан қизиқди.
Кремль расмийлари ҳам бу борада музокаралар давом этаётганини тасдиқлаган бўлсада, якуний қарор қандай бўлиши ҳозирча номаълум.
