Украина ва Финляндия мудофаа соҳасида янги келишув имзолади
Финляндия Украинага мудофаа соҳасида ёрдам бериш мажбуриятини олди.
Украина ва Финляндия ўртасида мудофаа соҳасидаги ҳамкорликни чуқурлаштириш мақсадида янги келишув имзоланди. Меморандумга Финляндия мудофаа вазири Антти Ҳяккянен ва Украинанинг мудофаа вазири Рустем Умеров томонидан имзо чекилди.
Финляндия Мудофаа вазирлиги томонидан эълон қилинган баёнотга кўра, меморандум доирасида:
- Мудофаа саноати ва ҳарбий техника соҳасидаги ҳамкорлик кучайтирилади
- Ахборот алмашинуви ва ҳарбий тадқиқотлар бўйича тажриба алмашилади
- Ҳарбий инновациялар ва ўқ-дорилар ишлаб чиқариш соҳаси ривожлантирилади
- Финляндия ва Украинадаги мудофаа лойиҳаларида ўзаро ҳамкорлик қилинади
Келишувнинг мақсади ҳар икки давлатнинг мудофаа салоҳиятини ошириш ва ўзаро стратегик шерикликни мустаҳкамлашдир.
Мазкур меморандум Финляндиянинг Украинага кўрсатаётган ҳарбий ёрдамининг навбатдаги босқичи бўлиб, расмий Ҳелсинкининг Киев билан мудофаа соҳасидаги ҳамкорликни янада мустаҳкамлаш истагини билдиради. Шу билан бирга, Финляндия Украина билан узоқ муддатли ҳамкорлик қилиш ва ҳарбий-техник қўллаб-қувватлашни давом эттиришга тайёрлигини тасдиқлаган.
