Евроиттифоқ Россияга қарши санкцияларни узайтирмоқчи
Қарор элчилар даражасида маъқулланган.
Қайд этилишича, гап жисмоний ва юридик шахсларга нисбатан санкциялар рўйхати ҳақида кетмоқда.
“Европа Иттифоқи Россияга қарши санкцияларни яна 6 ойга — 2025 йил 15 сентябргача узайтиришга келишиб олди ва бу қарор Венгриянинг ветосига қарамай қабул қилинди. Қарор элчилар даражасида маъқулланди”, — дея хабар беради DW мухбири.
Хабарларга кўра, Будапешт санкциялар рўйхатидан камида саккиз кишини чиқариб ташлашга интилган, муроса варианти эса тўрт кишини чиқаришни назарда тутган эди.
DW мухбирига дипломатик манбалар берган маълумотга кўра, якунда санкция рўйхатидан тўрт киши чиқарилган, яна уч кишига нисбатан санкциялар уларнинг вафоти туфайли узайтирилмаган.
