Самарқандда халқаро спорт мусобақаси бўлиб ўтади
Унда 20 дан ортиқ давлатдан иштирокчилар қатнашади.
2025 йил 24-25 май кунлари қадимий Самарқандда бутун дунёдан энг кучли, элита спортчилари иштирок этадиган триатлон ва паратриатлон бўйича Жаҳон кубоги бўлиб ўтади
Самарқанд 20 дан ортиқ давлатдан келадиган иштирокчиларни қабул қилади ва пойга давомида спортчилар совринли ўринлар учун кураш олиб боради.
Мусобақа ғолиблари кейинги Олимпия ўйинларига йўлланма олиш учун рейтинг очколарини қўлга киритишда катта устунликка эга бўладилар.
2024 йилда Самарқандда Триатлон бўйича Жаҳон кубоги дебюти бўлиб ўтди ва шу заҳотиёқ Бутунжаҳон триатлон халқаро федерациясининг энг юқори баҳоларини, шунингдек, иштирокчилар ва томошабинларнинг кўплаб ҳаяжонли шарҳларини олди.
