Таиландда қурилаётган автомагистраль йўл қулаб тушди
Ҳалокат натижасида қурбонлар ва жароҳатланганлар бор.
Таиланд пойтахти Бангкокда қурилаётган юқори тезликда ҳаракатланувчи автомобиль йўлининг темир-бетон устуни қулаб тушди. Ҳодиса натижасида камида беш киши ҳалок бўлди, 20 га яқин фуқаро жароҳат олди.
Фожиа шанба куни эрталаб Рама 2 трассасида юз берган. Ушбу автомагистраль мамлакат жануби билан боғловчи муҳим йўналиш бўлиб, унинг устида қурилаётган янги йўл транспорт оқимини енгиллаштиришга мўлжалланган эди.
Қурилиш майдончасида ҳалокат содир бўлган пайтда 30 га яқин ишчи бўлган. Воқеа жойида қутқарув ишлари олиб борилиб, магистралнинг ушбу қисмида ҳаракат тўлиқ ёпилган.
