“Америка овози” ходимлари Трамп маъмуриятини судга берди
Трумп мустақил журналистикага босим ўтказганликда айбламоқда.
АҚШнинг давлатга қарашли “Америка овози” телеканали ходимлари Доналд Трамп маъмуриятига қарши судга мурожаат қилди. Улар ҳукуматни телеканал фаолиятига ноқонуний аралашганликда ва мустақил журналистикага босим ўтказганликда айбламоқда.
Даъвогарларнинг таъкидлашича, Трамп маъмурияти телеканал бошқарувини назорат остига олишга ҳаракат қилган ва айрим ходимларни ноқонуний равишда ишдан бўшатган. Бу эса АҚШ Конституциясида кафолатланган сўз эркинлиги тамойилларига зид эканлиги айтилмоқда.
Суд жараёнида Оқ уйнинг ҳаракатлари мустақил матбуотга қанчалик хавф солгани муҳокама қилинмоқда. Бу иш Америка ва халқаро журналистлар орасида катта эътибор қозонган.
Ҳуқуқ ҳимоячилари ва сўз эркинлигини қўллаб-қувватловчи ташкилотлар суд қарорини тарихий аҳамиятга эга деб баҳоламоқда. Улар бу жараён журналистик мустақилликни ҳимоя қилишда муҳим қадам бўлиши мумкинлигини таъкидлашмоқда.
