АҚШдаги энг узун бўйли одам вафот этди
У тахминан 238 см баландликда бўлган.
АҚШда “Хайрли гигант” сифатида танилган актёр ва собиқ полициячи Жорж Белл 68 ёшида вафот этди. Унинг бўйи 238 см бўлиб, у Гиннеснинг рекордлар китоби томонидан мамлакатдаги энг узун одам сифатида тан олинган.
Норфолк Шериф идораси томонидан ВТКР телеканалига берилган маълумотларга кўра, Жорж Белл узоқ йиллар турли соҳаларда фаолият юритган. У нафақат ҳуқуқ-тартибот органларида хизмат қилган, балки кино оламида ҳам ўз изини қолдирган. Жорж машҳур “Америка даҳшат ҳикояси” сериалида роль ижро этган ва томошабинлар орасида эътибор қозонган.
2007 йилда у расман АҚШнинг энг бўйи узун инсони сифатида тан олинган. Беллнинг вафоти кўплаб инсонлар, жумладан, унинг яқинлари ва уни танийдиган мухлислар учун катта йўқотиш бўлди. У нафақат ўзининг ҳайратланарли бўйи, балки самимийлиги ва одамийлиги билан ҳам эсда қолади.
