Бразилияда ноёб машиналар топилди
Ташландиқ автосалондан коллекторларни ҳайратга солган автомобиллар чиқди.
Бразилияда узоқ йиллар олдин ташлаб кетилган автосалон топилиб, унинг ичидан камдан-кам учрайдиган Volkswagen моделлари аниқланган. Маълумотларга кўра, топилган автомобилларнинг умумий қиймати 1,5 миллион Бразилия реалига баҳоланмоқда.
Экспертларнинг сўзларига кўра, топилган моделларга “Volkswagen SP2”, “Volkswagen Itamar Beetle” ва “Volkswagen Quantum 2.0 MI Evidence” киради. Энг қизиғи, ушбу автомобилларнинг барчаси идеал ҳолатда сақланган бўлиб, шунча вақт ўтган бўлсада уларга жиддий зарар етмаган.
Ушбу ноёб транспорт воситалари ҳақида хабар тарқалгач, АҚШлик коллектор уларни сотиб олишга муваффақ бўлган. Мутахассислар бу топилмани автомобиль тарихининг муҳим қисми деб ҳисобламоқда, чунки бундай ҳолатда сақланган Volkswagen моделлари жуда кам учрайди.
