Германияда 382 та поезд ҳаракати вақтинча тўхтатилди
Бунга нотоғри кесилган дарахтлар сабаб бўлган.
Германияда ҳаваскор боғбонларнинг нотўғри ҳаракати катта муаммога сабаб бўлди. 57 ёшли эркак ва 55 ёшли аёл темир йўл ҳудудида жойлашган дарахтни кесишга қарор қилиб, натижада 382 поезднинг шикастланишига олиб келди.
Воқеа Селле ва Уэлзен шаҳарлари ўртасида содир бўлди. Маҳаллий аҳоли ушбу дарахт шохлари мулклари устига осилганидан хавотир билдириб, уни кесиш учун рухсат сўрашган. Бироқ ҳеч қандай чора кўрилмагач, эр-хотин дарахтни ўзлари кесишга қарор қилди.
Арралаш вақтида дарахтнинг қисмлари электр узатиш линиясига ва ўтиб кетаётган юк поездига қулаб тушди. Бу эса йирик узилишларга сабаб бўлди – темир йўл линияси бир кунга ёпилди, поездлар кечиктирилди ёки бекор қилинди, умумий кечикиш 20 000 дақиқадан ошди.
Федерал полиция маълумотига кўра, дарахт темир йўл мулки ҳисобланган ва шунинг учун уни кесиш ноқонуний бўлган. Энди эр-хотин жиддий харажатларга дуч келиши мумкин, чунки тергов уларнинг ҳаракатларини темир йўл фаолиятига хавфли аралашув сифатида баҳоламоқда.
