Россия Украинанинг 5 та вилоятини олмоқчи
Путин айниқса Запорожуэ ва Херсонни талаб қилмоқда.
Россия, Саудия Арабистонида АҚШ билан ўтказилаётган музокараларда Украинанинг Донетск, Луганск, Запороже ва Херсон вилоятларини ўз назоратига олишга интилмоқда. Гарчи ушбу ҳудудларнинг барчаси ҳозирги кунда Россия армияси томонидан тўлиқ назорат қилинмасада, Кремль уларни маъмурий чегаралари бўйича – Россия конституциясида кўрсатилган аннекция принципи асосида қўлга киритишни режалаштираётганини айтмоқда.
Президент Владимир Путин яқин амалдорларнинг сўзларига кўра, сиёсий жиҳатдан бу ҳудудларни йўқотиш Россия учун қабул қилиб бўлмайдиган ҳолат бўлиб, у ҳар қандай йўл билан бу ҳудудлар устидан назоратни ўрнатишга интилишини таъкидлаган. Путин, айниқса, Запороже ва Херсон вилоятининг бутун ҳудудларини талаб қилаётганини билдирган, бу эса Россиянинг ҳудудий кенгайиш сиёсатининг муҳим қисми ҳисобланмоқда.
Бундан ташқари, айрим россиялик амалдорлар музокараларда, АҚШнинг Украинадаги Россия томонидан босиб олинган ҳудудлардан қўшинларни олиб чиқиш талабини қўйиб, босим ўтказиш имкониятига умид қилаётганликларини билдиришмоқда.
Шу билан бирга, альтернатив вариант сифатида Россия, масалан, Днепропетровск ёки Суми вилоятининг бир қисмини эгаллаб олиш орқали Херсон ва Запороже ҳудудларини алмашишни таклиф қилиши мумкинлиги айтилмоқда. Февраль ойи маълумотларига кўра, Россия армияси ушбу тўрт вилоятнинг катта қисмларини назорат остида ушлаб турсада, баъзи марказий нуқталар ҳали ҳам қўлга киритилмаган.
