Арманистон Европа Иттифоқига қўшилишга интилмоқда
Арманистон Европа Иттифоқига қўшилиш жараёнини бошлаш тўғрисидаги қонунни қабул қилди.
Арманистон парламенти мамлакатнинг Европа Иттифоқига қўшилиш жараёнини бошлаш тўғрисидаги қонунни қабул қилди. Мазкур ҳужжат учун фақат ҳукмрон "Фуқаролик шартномаси" партияси депутатлари – 64 киши овоз берди. Мухолифатдаги "Ҳурматим бор" фракцияси бу қарорга норози эканини билдирди, «Арманистон» фракцияси эса овоз беришда қатнашмади.
Жорий йилнинг январь ойида Арманистон ҳукумати ЕИга қўшилиш жараёнини бошлаш ҳақидаги қонун лойиҳасини тасдиқлаган эди.
Бош вазир Никол Пашиняннинг таъкидлашича, мамлакатнинг Европа Иттифоқига аъзолиги бўйича якуний қарор умумхалқ референдуми орқали ҳал қилинади.
