Абу-Даби аквапаркида ёнғин содир бўлди
Яс аквапаркида қурилиши тугалланмаган аттракцион ёниб кетди.
Бирлашган Араб Амирликларининг Абу-Даби шаҳрида жойлашган Яс Ватерворлд аквапарки ҳудудида ёнғин содир бўлди. Хабарларга кўра, ёнғин Яс оролида қурилаётган паркнинг бир қисмида юзага келган.
Дастлабки маълумотларга кўра, ҳодиса натижасида қурбонлар ва жабрланганлар аниқланмаган. Ёнғин ҳали қурилиши тугалланмаган аттракцион ҳудудида келиб чиққан.
Воқеа жойидан қора тутун кўтарилгани яқин атрофдаги парклардан ҳам кузатилган. Фавқулодда хизматлар ёнғинга зудлик билан жавоб қайтариб, полиция атрофдаги йўлларни ёпган, ўт ўчирувчилар эса ёнғинни ўчириш ишларини олиб бормоқда.
Маълумот учун, аввалроқ Мирал компанияси Яс Ватерворлд ҳудудини 16 900 kv.m.ga кенгайтириш режалари борлигини эълон қилган эди. Режа доирасида 18 та янги аттракцион, жумладан, БААдаги энг баланд сув слайди ҳам қурилиши керак эди.
