Доғистонда ўлган аёл дафн маросимида тирилди
Унга "лазар синдроми" ташхиси қўйилган.
Доғистонда дафн маросими пайтида масжидга олиб келинган аёл тўсатдан ҳаётга қайтди.
Маълумотларга кўра, аёл бир неча кун олдин касал бўлиб ҳушидан кетган. Қариндошлари унинг ўлганлигини тасдиқлашган ва уни маросим учун масжидга олиб келишган. Масжидда ювиш маросими ўтказилиши давомида, ҳаётдан бутунлай узилган деб ҳисобланган аёл кўзларини очган. Бу ҳодиса атрофдаги одамлар орасида катта ҳайратга сабаб бўлди.
Тиббий экспертиза унга "Лазар синдроми" ташхисини қўйган. Бу синдром юрак тутилишидан кейин қон айланишининг ўз-ўзидан тикланиши билан тавсифланади.
Аёлни даволаш учун тез ёрдам кўрсатилган ва у касалхонага ётқизилган. Унинг ҳолати жиддий, лекин тиббий ходимлар унинг тез орада соғайишига умид қилмоқда.
Бундан олдин, Озарбайжоннинг Жалилобод туманида ҳам шунга ўхшаш бир ҳодиса рўй берган. 34 ёшли эркак уйида ҳаёт белгилари бўлмаган ҳолда топилган ва вафот этган деб ҳисобланган. У суд-тиббий экспертиза учун олиб кетилганида, маълум бўлишича, у ўлик эмас, балки кома ҳолатига тушганлиги айтилган. Шундай қилиб, бир неча соат давомида тирик бўлган эркакнинг ҳаёти сақлаб қолинган.
