Мейн Кун мушуги Гиннеснинг рекордлар китобига кирди
Мушукнинг думи тахминан 47 сантиметр.
АҚШнинг Миннесота штатида яшовчи икки ёшли Мейн Кун мушуги Пугсли Аддамс Гиннеснинг рекордлар китобига кирди. Унинг думи узунлиги тахминан 47 сантиметр бўлиб, бу тирик мушуклар орасида энг узун дум сифатида қайд этилди.
Пугслининг эгаси Аманда Камероннинг айтишича, ветеринар биринчи текширувдаёқ мушукнинг думининг ўта узунлигини пайқаган. Шундан сўнг, оила Гиннес рекордларига ариза топширган ва мушук расмий равишда рекордчи сифатида тасдиқланган.
Пугсли ўзининг узун думи билан кўпчилик эътиборини тортади ва маҳаллий юлдузга айланди. Мушукнинг думининг келажакда ҳам ўсиши мумкинлиги айтилмоқда.
