Таиландда кучли зилзила содир бўлди
Зилзила яна такрорланиши мумкин.
Таиландда 4,5 магнитудали зилзила содир бўлди. Зилзила Питсанулок, Пичит, Кампҳенг Пҳет, Накҳон Саван, Лей ва Пҳетчабун провинцияларига таъсир кўрсатди. Ер ости силкинишлари 5 км чуқурликда қайд этилган.
Баъзи биноларда зарар етгани, жумладан, Пичит провинциясидаги буддавий ибодатхонада шикастланишлар кузатилгани хабар қилинмоқда. Айни пайтда ҳукумат зилзила оқибатларини баҳолаш ва хавфсизлик чораларини кўриш учун махсус инқироз марказини ташкил этган.
Расмийларнинг маълум қилишича, зилзила ортидан такрорий силкинишлар бўлиши мумкин. Ҳалокат оқибатида қурбонлар ёки жиддий талафотлар ҳақида ҳозирча аниқ маълумот берилмаган.
