АҚШ ва Мексикада сув тошқинлари кузатилмоқда
Табиий офат минглаб одамларни электрсиз қолдирди.
Техас жанубида кучли ёмғир сабаб юзага келган сув тошқинлари оқибатида камида тўрт киши ҳалок бўлди.
Маҳаллий ҳокимият маълумотларига кўра, энг оғир вазият Хидалго округида кузатилган бўлиб, у ерда уч кишининг жасади топилган.
АҚШ божхона ва чегара қўриқлаш хизматининг билдиришича, сув остида қолган автомобилда ноқонуний муҳожирларни ташишда фойдаланилгани тахмин қилинмоқда. Ушбу автомобиль ичидан яна бир эркакнинг жасади топилган.
Харлинген шаҳридаги Валлей халқаро аэропорти ёпилиб, барча рейслар бекор қилинган.
Мексикада ҳам сув тошқинлари кузатилмоқда, ҳарбийлар эвакуация ишларига жалб қилинган.
