Трамп Мянмага ёрдам беради
Зилзила оқибатида 1 000 кишининг ҳалок бўлгани тасдиқланган.
АҚШ президенти Доналд Трамп Мянмарда содир бўлган 7,7 магнитудали зилзила натижасида юзага келган ҳалокатдан сўнг мамлакатга ёрдам беришини маълум қилди.
Мянма ҳарбий ҳукуматининг етакчиси Мин Аунг Хлайн халқаро ҳамжамиятдан камдан-кам ҳолларда ёрдам сўрайди, аммо бу сафар фавқулодда вазият туфайли мурожаат қилишга мажбур бўлди. Шу билан бирга, АҚШ ҳукумати Мянмадаги ёрдам дастурларини қисқартиришга қарор қилган бўлиб, бу жараён глобал гуманитар ҳаракатларга катта таъсир ўтказмоқда.
Маълум қилинишича, зилзила 334 та атом бомбасига тенг энергияни чиқариб юборган. Мамлакатда алоқа тизимларининг ишдан чиқиши ва давом этаётган ҳарбий тўқнашувлар халқаро ташкилотларнинг аниқ маълумот олишига тўсқинлик қилмоқда. Маҳаллий ҳукумат ҳозирча камида 1 000 кишининг ҳалок бўлганини тасдиқлади, аммо АҚШ Геология хизмати (УСГС) қурбонлар сони 10 мингдан ошиши мумкинлигини тахмин қилмоқда.
