Британия қироли Чарлз III касалхонадан чиқди
Аввалроқ унга саратон ташхиси қўйилган эди.
Буюк Британия қироли Чарлз ИИИ қисқа муддат касалхонага ётқизилганидан сўнг давлат вазифаларига қайтди. Унга саратон касаллигини даволаш жараёнида юзага келган муаммолар сабабли, қирол қисқа вақтга шифохонага жойлаштирилган эди.
76 ёшли қирол дам олиш кунларидан сўнг Англиянинг ғарбий қисмидаги Хайгроув мулкидан Виндзор қасрига жўнаб кетди ва ўзининг оддий иш ҳафтасига тайёргарлик кўрди. Шу билан бирга, у кейинги ҳафта режалаштирилган Италияга давлат ташрифи олдидан баъзи учрашувларини бекор қилишга мажбур бўлди.
Қирол Чарлз ИИИ февраль ойида саратон ташхиси қўйилганидан бери мунтазам даволаниб келмоқда. Унинг соғлиғи бўйича қироллик саройи расмий изоҳ бермаган бўлсада, вазият назорат остида экани таъкидланмоқда.
