Хитой бозорларида қуритилган каламуш гўшти сотилмоқда
Янгилик жамоатчилик орасида баҳс-мунозараларга сабаб бўлди.
Хитойнинг Гуандун провинцияси ва қирғоқбўйи ҳудудларида қуритилган каламуш гўшти сотила бошланди. Маҳаллий ОАВ ва ижтимоий тармоқларда тарқалган видеоларда сотувчилар бу маҳсулотни реклама қилиб, унинг таъми ёқимли экани таъкидлашмоқда. Гўшт буғланиб, гуруч билан ёки саримсоқ ва сельдерей билан қовурилган ҳолда тортилмоқда.
Сотувчиларнинг сўзларига кўра, каламушларнинг аксарияти ёввойи табиатда овланади, фақат кичик бир қисми эса озиқ-овқат мақсадида махсус етиштирилади. Маҳаллий аҳолининг айрим қисми янги таомни синаб кўрган бўлса, бошқалар уни санитария назоратидан ўтмагани сабабли истеъмол қилишдан қўрқмоқда.
Бу янгилик жамоатчилик орасида турли баҳс-мунозараларга сабаб бўлди. 2019 йилда Вухан шаҳрида ҳайвонлар гўшти сотиладиган бозор СОВИД-19 пандемиясининг эпицентрига айлангани сабабли, кўпчилик бундай маҳсулотлар янги эпидемияга сабаб бўлишидан хавотирда.
