Трамп ўз капиталини икки баробарга оширди
Унинг миқдори 5,1 миллиард долларга етган.
АҚШнинг амалдаги президенти бу натижани асосан ўзининг қатъий тарафдорлари ҳисобига қўлга киритган.
“Трамп биринчи навбатда ўзининг зарар кўраётган ижтимоий тармоқ платформаси акцияларини сотиб, ўз тасарруфида ҳануз катта қийматга эга улушни қолдирди. Кейин эса у криптовалюта таклифларини олға суриб, юзлаб миллион долларлик ликвидликка эга бўлди. Қирол бўлиш фойда келтиради”, деб ёзади Forbes нашри.
Трампнинг энг қимматли активи – Trump Media and Technology Group. Ушбу компаниянинг қиймати гарчи у 2024 йилда 401 миллион доллар зарар кўрган бўлса ҳам 2,6 миллиард доллар деб баҳоланган. Трампнинг кўчмас мулк активлари эса 1,1 миллиардга баҳоланган.
