Француз матбуотида юртимизнинг юксалиши ёритилди
Ле Фигаро Ўзбекистоннинг жаҳон ҳамжамиятидаги ўрнига эътибор қаратди.
Франциянинг энг нуфузли газеталари қаторига кирувчи Ле Фигаро 3 апрель сонида Ўзбекистон ҳақида мақола чоп этди. Унда мамлакатимизнинг иқтисодий ва маданий ривожланиши, халқаро ҳамкорликдаги ютуқлари ҳамда Франция билан ўзаро алоқаларининг мустаҳкамланиши ёритилган.
Нашрда Ўзбекистоннинг сўнгги йилларда амалга оширган ислоҳотлари, инновацион ёндашувлари ҳамда халқаро майдондаги фаоллиги алоҳида таъкидланган. Айниқса, Париж ва Тошкент ўртасидаги дўстона ҳамкорликнинг янги босқичга кўтарилаётгани эътироф этилган.
Мазкур мақоланинг чоп этилиши Ўзбекистонга халқаро ахборот майдонида тобора ортиб бораётган қизиқишнинг яна бир далили сифатида эътироф этилиши мумкин.
