Италия ҳукумати Украина туфайли сиёсий инқирозга дуч келмоқда
Бунга Украинага қўшин юбориш борасидаги келишмовчиликлар сабаб бўлмоқда.
Италия Бош вазири Жоржи Мелони бошчилигидаги ҳукмрон коалиция Украинага қўшин юбориш масаласи туфайли сиёсий инқирозга юз тутди. Ҳукмрон коалициянинг икки асосий партияси — «Лига» ва "Олдинга, Италия!" ўртасида кутилмаган зиддият юзага келган. «Лига» партияси раҳбари Маттео Салвини Европа Иттифоқи қўшинларининг Украинага юборилишига қатъий қарши чиққан бўлса, "Олдинга, Италия!" партиясининг етакчиси Антонио Танжани бу ташаббусни қўллаб-қувватламоқда.
Хабарларга кўра, Италия ҳукумати ўз ичида кучли сиёсий бўлинишни бошдан кечирмоқда. Мелони ҳукуматининг жорий ҳолати барқарор бўлишига қарамай, у Салвини ва Танжани ўртасидаги кескин можаронинг олдини олишга ва қўшни томонларни муросага чақиришга мажбур.
Ҳукмрон коалиция ичидаги келишмовчиликлар Италия ички сиёсатидаги янада мураккаб вазиятларни юзага келтириб, ҳукуматни ўзгаришларга олиб келиши мумкин.
