Туркияда ноқонуний муҳожирларни олиб кетаётган қайиқ чўкиб кетди
Фожиа оқибатида 5 киши ҳалок бўлган.
Туркиянинг Эгей денгизида ноқонуний муҳожирларни олиб кетаётган қайиқ чўкиб кетди. Турк қирғоқ қўриқчилигининг қутқарув бўлинмалари фавқулодда вазият жойига юборилиб дарҳол қутқарув ишлари амалга оширилган. Айважик шаҳри яқинида содир бўлган воқеа натижада камида 5 киши ҳалок бўлган ва 25 киши қутқарилган.
Жабрланганлар Чанаккале ва Балиқесир вилоятлари касалхоналарига ётқизилган.
Воқеада ҳалок бўлганлар ва номаълум муҳожирлар билан боғлиқ текширувлар давом этмоқда. Шунингдек, бундай нохуш воқеалар одам савдоси ва ноқонуний миграциянинг жиддий муаммо эканлигини яна бир бор кўрсатмоқда. Ҳозирда Туркия ҳукумати бу каби воқеаларнинг олдини олиш учун зарур чораларни кўриш устида иш олиб бормоқда.
