АҚШ ҳарбий кучларини янгича йўналишга ўтказмоқда

 

АҚШ армияси 90 минг нафар ҳарбий хизматчидан воз кечиши мумкин. Хабарларга кўра, бу қисқартириш натижасида АҚШ армиясининг умумий сони 360 минг кишига туширилиши режалаштирилмоқда.

 

Бу ўзгаришлар, бир томондан, бюджетдаги чекловлар билан, иккинчи томондан эса, ҳарбий кучларни янги глобал таҳдидларга – айниқса, Тинч океани минтақасида кучайиб бораётган Хитой таъсирига қарши тайёрлаш зарурати билан боғлиқ.

 

Қисқартиришлар аллақачон бошланган. Ўтган йили, асосан, терроризмга қарши операциялар билан боғлиқ 24 мингга яқин лавозим бекор қилинган эди.

 

Пентагондаги айрим манбалар малакали мутахассисларнинг армия сафидан кетиши эҳтимолини таъкидламоқда. Бунга ушбу соҳада етарли мотивация ва барқарорлик етишмаётгани, шунингдек, фуқаро секторида рақобатбардош иш ўринлари мавжудлиги сабаб бўлиши мумкин.

 

Маълумотларга кўра, АҚШ Мудофаа вазири Пит Ҳегсет ҳарбий бюджетни 8 фоизга қисқартириш тарафдори. Шу билан бирга, армиянинг асосий эътибори Европадаги мавжудликдан террочиликка қарши стратегик йўналишларга ўтказилиши режалаштирилган.

 

Пентагон вакиллари эса АҚШ армияси “ихчамроқ, замонавий технологиялар билан жиҳозланган ва тезкор ҳаракатлана оладиган” кучга айланишини мақсад қилганини айтмоқда.