Дания Украинага ҳарбий ёрдамини давом эттирмоқда
Ҳукумат Украинага 900 миллион евролик ҳарбий ёрдам ажратди.
Дания ҳукумати 2025–2027 йиллар давомида Украинага ҳарбий ёрдам кўрсатиш бўйича 900 миллион евро миқдоридаги янги пакетни тасдиқлади. Бу ҳақда Дания Мудофаа вазирлиги ўз расмий сайтида эълон қилган баёнотида маълум қилинди.
Режага кўра, ушбу маблағлар Украина армиясини артиллерия қуроллари ва ўқ-дорилар билан таъминлаш, ҳаво ҳужумидан мудофаа тизимлари, дронлар ва ахборот технологияларини қўллаб-қувватлаш учун ажратилади.
Дания Мудофаа вазири Троэлс Лунд Поулсеннинг сўзларига кўра, хавфсизлик билан боғлиқ вазият тез ўзгариб бораётгани сабабли, Дания Украинага ҳарбий ёрдам кўрсатишда давом этиши муҳим аҳамият касб этади. Унга кўра, ушбу 25-ёрдам пакети Украинани қисқа ва узоқ муддатли истиқболда қўллаб-қувватлашга қаратилган.
