Дунёнинг энг кекса одами рекорди янгиланиши мумкин
140 ёшли эркак гувоҳи бўлган тарихий воқеалар ҳақида айтиб берди.
Афғонистоннинг Хост вилоятида истиқомат қилувчи 140 ёшли Акел Назир исмли эркак дунёдаги энг узоқ умр кўрган одам сифатида тан олиниши мумкин.
Назирнинг яқинлари ҳозирда унинг ёшинг расмий ҳужжатлар орқали тасдиқлаши учун ҳаракат қилмоқда. Агар бу маълумотлар ҳақиқатга тўғри келса, у инсоният тарихидаги энг кекса одам мақомига эга бўлади.
Акел Назир журналистларга берган интервьюсида Афғонистон тарихининг муҳим воқеаларини аниқ эслай олишини айтган. У, хусусан, Афғонистон қироли Омонуллахоннинг ҳукмронлик йиллари (1919–1929) ҳамда мамлакатнинг Буюк Британиядан мустақилликка эришган санаси — 1919 йил 19 августни яхши эслайди.
Бу каби эсдаликлар унинг ёши борасидаги даъволарни янада кучайтиради. Энди эса жаҳон рекордлари рўйхатини юритувчи ташкилотлар расмий текширув бошлашлари кутилмоқда.
