Францияда кокаин контрабандаси фош этилди
Бу операция гиёҳвандликка қарши курашда катта ютуқ деб баҳоланмоқда.
Францияда илк бор гиёҳванд моддаларни очиқ денгиз орқали олиб кириш схемаси аниқланиб, катта миқдордаги кокаин мусодара қилинди. Ҳукумат 800 килограмм кокаинни қўлга киритди ва контрабанда тармоғига чек қўйди.
Прокуратура маълумотларига кўра, контрабандачилар «ташлаш» деб аталувчи усулдан фойдаланган — улар Бразилиядан келаётган юк кемасидан кокаин ўрамларини денгизга ташлаб юборган, сўнгра уларни кичик балиқ овлаш қайиқлари билан олиб кетишган.
Прокурорнинг сўзларига кўра, бу операция “Францияда уюшган гиёҳвандлик контрабандасига қарши курашда туб бурилиш ясади”. Мазкур схема 18 ой давом этган тергов натижасида очилган.
Шунингдек, 2024 йилда мусодара қилинган наркотиклар миқдори олдинги йилга нисбатан 130 фоизга ошгани қайд этилди.
