АҚШда Трамп ва Маск сиёсатига қарши норозилик намойишлари бўлиб ўтмоқда
Намойишларда ўн минглаб фуқаролар иштирок этмоқда.
АҚШнинг бир нечта йирик шаҳарларида президент Доналд Трамп ва технология магнати Илон Маскга қарши кенг кўламли норозилик намойишлари ўтказилмоқда.
Трампнинг сиёсати ва Маскнинг миллиардерларга қулай иқтисодий ташаббусларини танқид қилишмоқда. Айрим митингларда “Демократия бойлик устидан устун бўлсин”, “Овозимизни эшитинг” каби шиорлар янграмоқда.
Ташкилотчиларнинг айтишича, бу ҳаракат сўнгги йилларда Трамп ва унга яқин доираларга қарши ўтказилаётган энг кенг қамровли тинч норозилик ҳаракати сифатида тарихда қолиши мумкин. Намойишлар айниқса Нью-Йорк, Лос-Анжелес, Чикаго, Бостон ва Сан-Франсискода кенг миқёсда ўтяпти.
Ижтимоий тармоқларда эса #НоТоТрумпланд ва #РесистТҳеБиллионаирес хештеглар остида миллионлаб фойдаланувчилар ўз фикрларини билдиришмоқда. Бу эса норозилик фақат кўчаларда эмас, виртуал майдонда ҳам давом этаётганини кўрсатмоқда.
